Ibat-ibang paraan at pagdiriwang sa
pag gunita sa araw ng kapaskuhan.
ang tuwa at kasiyahan ay ayon
sa kalagayan ng buhay
may marangya at simpleng pagdiriwang.
nagsisimba ang bawat pamilya,
puno ng iba't-ibang klase ng prutas
at pagkaing matamis ang mga
hapag kainan na sama samang
pinagsasaluhan ng bawat pamilya
sa noche buena.
Marami ring mga regalo at aguinaldo
para sa mga mahal sa buhay
at para sa mga inaanak.
nakakalungkot mang isipin
may mga kababayan parin tayong
nangungulila sa kanilang mga mahal sa buhay
may mga puno ng pagsubok,
suliranin at kahirapan sa pinansyal.
May nagsasabing ang Pasko’y isang panahon
at pagkakataon na ang mga Pilipino ay
nagpapahayag at nagpapakita
ng kanilang Christian values
tulad ng pagkakawanggawa,
pagbibigayan o pagbabahagi ng mga biyaya
sa kapwa lalo na sa mga mahihirap,
kapus-palad at mga biktima ng kalamidad.
Sa mga nawalan ng mahal sa buhay,
ang Pasko’y maghahatid ng
pangungulila. Maaaring may
ngiti sa labi ngunit sa puso at
damdamin, naroon ang nakatagong
pait at kalungkutan.
Isang panahon ng pagsasaya ang Pasko
subalit hindi mapipigil na pagluha sa
mga nawalan ng mga mahal sa buhay.
Anuman ang mukha at kahulugan ng Pasko sa bawat isa,
ang diwa nito na naghahatid ng Pag-ibig,
Pag-asa at Kapayapaan ay hindi nagbabago.
Laging nasa puso ng bawat taong marunong magmahal
sa kapwa at may pananalig sa Dakilang Mananakop :)